Telung Daerah nang Jawa Timur
Waspada Banjir Kiriman Teko Bengawan Solo
Pirang
– pirang daerah ing kawasan Pantai Utara, Jawa Timur kemungkinan gedhe ngalami
banjir kiriman teko kali Bengawan Solo nang Bojonegoro. Udan seng terus –
terusan nang kawasan hulu dadi penyebab ambere banyu kali Bengawan Solo nang
wilayah hilir kayata Tuban, Lamongan, lan Gresik.
Laporan
seng diterimo Dinas Pekerjaan Umum (PU) Pengairan Provinsi Jawa Timur akhir –
akhir iki, kali Bengawan Solo nang Bojonegoro pirang – pirang dino iki wes siaga
abang, utawa dukur banyune sampek 15,44 meter nang ndhuwur permukaan laut.Iku
kedadean pas dina Minggu, 02 Februari 2014 bengi.
Pas dina Selasa, 04 Februari
2014, jarene Kepala Bidang Operasi lan Pemeliharaan Dinas PU Pengairan Provinsi
Jawa Timur Soenoko, kekuatan tanggul ing Bojonegoro nang angka 16,50 mdpl, nek
melebihi angka iku, banjir bisa melbu ing Kota Bojonegoro.
Nek misale wes melbu siaga
abang, kabeh daerah ing wilayah hilir kayata Tuban, Lamongan lan Gresik kudu
ati – ati. Untunge, dhuwure banyu ing kali Bengawan Solo pisan munggah mudun.
Dina iki, menurute laporan, mudun maneh dadi siaga kuning nang angka 14,97
mdpl.
Penyebab banjir ing
Bojonegoro dibedek amarga luapan ing Kali Madiun lan Kali Kening Tuban. Iki
amarga udan deres teko daerah Gunung Lawu lan nggawe anak – anak kali amber.
Jarene Soenoko, pihake ngaku
wes ngelakoni persiapan kontigensi bencana gawe ngantisipasi ambere kali
Bengawan Solo. Yaiku nyiapno 780 bronjong kawat, 12.000 karung plastik lan
menehi pangiling supaya ora mbukak lawang banyu ing tanggul – tanggul
Bojonegoro.
Iku sek direwangi
perlengkapan ing sanga UPT nganggo 4.000
karung plastik isine pasir, 70 bronjong kawat. Iku durung bantuan teko PT Jasa
Tirta lan Balai Besar Wilayah Kali Bengawan Solo.
Pihake pisan nyiapno pirang –
pirang pompa gawe mompa banyu supaya ngurangi genangan banyu. Ing Bojonegoro
ono telung pompa ing Karangpacar, Banjarejo lan Ledok.
0 komentar:
Posting Komentar